Markmið og framtíðarsýn - Vision Board námskeið í september 2025

Hefur þú hugleitt markmiðin þín fyrir árið 2025 og hvenig þú ætlar að ná þeim?

Næsta VISION BOARD námskeið verður haldið í Reykjavík í september 2025. Nánari dagsetning verður tilkynnt þegar nær dregur. 

Tinna og Lena Magnúsdóttir eru báðar menntaðir markþjálfar og leiða saman hesta sína á þessu námskeiði. Þær hafa báðar nýtt sér sjónræna uppsetningu markmiða til margra ára og haldið fjölda námskeiða þar sem markmið og sjálfsefling eru viðfangsefnið.

Á þessu námskeiði ætlum við að eiga saman góða og nærandi stund  þar sem markmiðin þín eru viðfangsefnið. Námskeiðið gefur þátttakendum tækifæri til þess að setja tóninn fyrir markmið næstu mánaða og ekki síður að rannsaka draumana sína og að uppgötva leiðir til þess að setja þá á dagskrá. Öll fá tækifæri til þess að uppgötva hvernig má laða til sín þann veruleika og framtíðarsýn sem þau vilja skapa þetta árið. 

Öll eru í sinni persónulegu vegferð á námskeiðinu og fá aðstoð til þess að setja sér skýr, raunhæf og eflandi markmið fyrir næsta ár og setja þau fram á myndrænan hátt (vision board) en sýnt er að myndræn framsetning markmiða skili góðum árangri og tryggi framgang markmiðanna.

🌱 Þú færð skýra yfirsýn yfir markmiðin þín.
🌱 Markmiðin þín gleymast síður ef þau eru sýnileg.
🌱 Myndræn framsetning heldur þér við efnið og minnir á hvað skiptir máli og tryggir árangur.
🌱 Þú eignast leiðarvísirinn sem hjálpar þér að hugsa stærra og út fyrir þægindarrammann.
🌱 Þú lærir að virkja aðlöðunaraflið.
🌱 Þú hugleiðir draumana þína og setur þá á dagskrá.

Allur efniskostnaður og áhöld eru innifalinn, auk léttra veitinga.

Stéttarfélög greiða mótframlag vegna þessa námskeiðs.

Lena og Tinna bjóða einnig upp á sérsniðin námskeið fyrir vinnustaði, teymi eða hópa að lágmarki 8 manns. Ef þú vilt afla frekari upplýsinga má senda okkur póst á netfangið tinna@natturulega.is