Benedikta og Tinna gusa á fullu tungli í Bogamanni; 31. maí kl. 19:30

Tinna og Benedikta gusa í Fúsk á fullu tungli í Bogamanni sunnudaginn 31.maí kl. 19:30.

Við ætlum að njóta saman í hitanum yfir þrjár töfrandi lotur þar sem við leyfum tónlistinni og sérvöldum ilmum úr náttúrunni að hreyfa við okkur. Við kælum svo á milli undir beru lofti eða í sjónum fyrir þau sem vilja.

Þetta verður einstök stund á fullu tungli í merki Bogamannsins og þá eru kjör aðstæður til þess að skoða innra með okkur hvað það er sem við gerum til að tengjast betur okkur sjálfum. Orka Bogamanns miðlar til okkar jákvæðni, bjartsýni og þeirri þörf að hreyfa við lífinu. Við skoðum innra með okkur ásetning í þessar stund og hugleiðum hvað það er sem við þurfum að losa okkur við, áður en við ákveðum fyrstu skrefin í átt að nýju markmiði 🔥

Við sækjum okkur orku og endurnýjaðan kraft í þessari stund og þar sem við leyfum innsæinu að sitja í öndvegi og að stýra ferðinni 🍀

Við hlökkum til að taka á móti ykkur. 
Verið hjartanlega velkomin ❤️