Nornagusa - þriðjudagur 27.október kl.18:00

Tinna gusar í Fúsk í Skerjafirði þriðjudaginn 27.október kl.18:00 🔥

Við ætlum að njóta saman í hitanum yfir þrjár töfrandi lotur þar sem við leyfum tónlistinni og sérvöldum ilmum úr náttúrunni að hreyfa við okkur. Við kælum svo á milli undir beru lofti eða í sjónum fyrir þau sem vilja.

Þetta verður einstök stund á fullu tungli í merki Nautsins og þá eru kjör aðstæður til að sækja kröftuga jarðtengingu, tengjast náttúrunni og að skoða innra með okkur hvað það er sem við gerum til að njóta lífsins. Við leiðum hugann að allsnægtum lífsins og hvað við gerum til að njóta lífsins enn betur, sinna líkamlegri líðan, borða vel og að njóta okkar alls þess góða sem lífið býður upp á.

Við sækjum okkur orku og endurnýjaðan kraft í þessari stund og leyfum náttúrunni, tónlistinni og náttúruilmum að hreyfa við okkur. Við setjum okkur ásetning og leyfum innsæinu að stýra ferðinni.

Ég mæti að sjálfsögðu með spilin og öll geta dregið spil fyrir spurningu og fengið aðstoð við túlkun 🍀

Ég hlakka til að taka á móti ykkur.
Verið hjartanlega velkomin ❤️